លោក អេរីច គីម អ្នកស្រាវជ្រាវមកពីសាកលវិទ្យាល័យមីឈីហ្គែន បានថ្លែងថា៖ «សុទិដ្ឋិនិយមអាចប្រឆាំងនឹងជំងឺដាច់សរសៃឈាមក្នុងខួរក្បាល»។
លោក គីម បានថ្លែងថា ការទប់ស្កាត់ជំងឺដាច់សរសៃឈាមក្នុងខួរក្បាល បានផ្ដល់
ប្រយោជន៍ច្រើនចំពោះសុខភាព។ លោកបានបន្ដថា ការសិក្សាជាច្រើនកន្លងមក បានរកឃើញថា អ្នកដែលមានជំនឿសុទិដ្ឋិនិយមខ្ពស់ រមែងមានប្រព័ន្ធស៊ាំនឹងជំងឺខ្ពស់ ក្នុងការបន្សះជំងឺឆាប់រហ័ស និងមានអត្រាគ្រោះថ្នាក់នៃជំងឺបេះដូងទាប។
ការចុះផ្សាយក្នុងទស្សនាវដ្ដី Stroke ថ្ងៃទី២១ ខែកក្កដា ក្រុមស្រាវជ្រាវបានតាមដានបុរស និងស្រ្ដី៦០៤៤នាក់។
លោក អេរីច គីម បានបន្ថែមថា កត្ដាចិត្តសាស្ត្រអាចពន្យល់ថា អ្នកដែលគិតពីរឿងរ៉ាវល្អៗច្រើនក្នុងជីវិតរមែងទទួលបានផលល្អ ដល់សុខភាពល្អ។
លោកបានឲ្យដឹងថា កត្ដាមួយផ្សេងទៀតគឺ លទ្ធផលនៃជីវសាស្រ្ដ។ លោកបានបន្ដថា៖ «ជំងឺធ្លាក់ទឹកចិត្ដអាចប៉ះពាល់ដល់មុខនាទីនៃប្រព័ន្ធស៊ាំ ដូច្នេះការគិតសុទិដ្ឋិនិយមក៏អាចមានប្រសិទ្ធភាពល្អដល់ដំណើរការ ក្នុងប្រព័ន្ធសរីរាង្គនេះផងដែរ»៕
No comments:
Post a Comment